http://ta.wikipedia.org/wiki/தஞ்சைப்_பிரகதீசுவரர்_கோயில்#/media/File:Sadhaya_Vizha,_Thanjai_periya_kovil.jpg

தமிழ் குறுக்கெழுத்து 13 – பொன்னியின் செல்வன்


தமிழில் ஈடு இணையற்ற வரலாற்றுப் புதினம் அமரர் கல்கி செதுக்கிய பொன்னியின் செல்வன். வரலாற்றுத் தகவல்கள், மறக்க முடியாத கதை மாந்தர், திகில் திருப்பங்கள் என்று ஒரு நெடுந்தொடர் கதைக்குத் தேவையான எல்லா இயல்புகளும் அமைந்த இந்தக் காவியத்தைப் படித்தவர்கள் கொடுத்து வைத்தவர்கள் என்பது என் கருத்து. Themed crossword செய்ய வேண்டும் என்று ரொம்ப நாள் ஆசை. பொன்னியின் செல்வனில் இல்லாத புதிர்களா? கதையைப் படித்தவர்களுக்கு ஒருசில சுவாரசியமான நிகழ்வுகளை நினைவுகூர ஒரு வாய்ப்பு. இதுவரை பொன்னியின் செல்வன் படிக்காதவர்கள் ஆழ்வார்க்கடியான் போல கூகுள் முழுவதும் ஒற்றறிந்து விடைகளைக் கண்டுபிடிக்கலாம். சோழர்களின் வேகத்துடன் விரைவாக விடைகளை நிரப்புங்கள். விடைகளைக் கண்டுபிடித்து விட்டு ஊமையரசி போல் இருந்து விடாமல் வந்தியத்தேவனிடம் ஒரு மின்னோலையை vijayshankar.twwi@gmail.com என்ற முகவரிக்கு அல்லது இந்தப் புதிரின் கீழே பின்னூட்டத்தில் கொடுத்தனுப்புங்கள்.

இடமிருந்து வலம்

1. கட்டையுமாய் குட்டையுமாய் வைரம் பாய்ந்த திருமேனியும் கையில் குண்டாந்தடியும் கொண்டவன்  (9)

5. குந்தவையும் வந்தியத்தேவனும் முதன்முறை சந்தித்த ஊர் (4)

7. நம்பியின் இயற்பெயர் (4)

8. கலங்கரை விளக்கத்தில் தீபமேற்றுபவர் (8)

10. சம்புவரையர் மாளிகையில் வந்தியத்தேவன் கண்ட ஆடல்-பாடல் (7)

11. வந்தியத்தேவனைப் பலமுறை காப்பாற்றிய, சிலமுறை சிக்க வைத்த பழுவூர் முத்திரை (2)

13. குந்தவை மற்றும் வானதியைக் காப்பாற்ற இதன் மீது வந்தியத்தேவன் வெட்டியாக வேலெறிய வேண்டியதாயிற்று (3)

14. வந்தியத்தேவனை ஈழத்துக்கு அழைத்துச் செல்லப் பூங்குழலி செய்த எம்.ஜி.ஆர். வேலை (5)

17. (வலமிருந்து இடம்) சுரங்கப் பாதையில் சென்ற வந்தியத்தேவன் கண்டுபிடித்த செல்வக் களஞ்சியம் திரும்பியிருக்கிறது (4)

18. திருக்கோவலூர் மலையமானும் ஆதித்த கரிகாலனும் மனம்விட்டுப் பேசிப் பிரிந்து சென்ற அழகிய இடம் (8)

xwd13.001

மேலிருந்து கீழ்

1. பொன்னியின் செல்வன் காவியம் தொடங்கிடும் நன்னாள் (7)

2. அருள்மொழிவர்மனைத் தன் வசப்படுத்திய கொடும்பாளூர் இளவரசியின் சுய நினைவின்மை (3,5)

3. ஈழத்தில் சீன யாத்திரீகர்களுடன் வந்த யாகப்பானையின் இரண்டாம் கடைசி மறைய, கலைந்தது ராஜராஜனின் கோலம் (6)

4. பழுவூர் இளையராணி குறுகிட வருவதோ மகாதேவரின் வாகனம் (3)

6.   பல்லக்கில் பவனி வரும் பேரழகி (4)

9.   வந்தியத்தேவனுக்கு நிகழவிருக்கும் ஆபத்தை மணிமேகலை முன்கூட்டியே உணர்ந்த விதம் (3)

10. ராஜராஜனின் தமக்கையை இங்கே அமர வை (4)

11. தலைநகரம் (4)

12. வந்தியத்தேவன் பூங்குழலியைச் சந்திக்கும் இடம் (5)

15. பகைவர்க்கு எமனாம் பொன்னியின் செல்வன் (3)

16. வந்தியத்தேவனின் விலாவில் பாய்ந்த ஆயுதம் (3)

12-ஆம் வகுப்பு இயற்பியல் குறுக்கெழுத்து


12-ஆம் வகுப்பு இயற்பியல் என்றதும் அன்பர்கள் தெறித்து ஓட வேண்டாம். இளம் மாணவர்களை ஊக்குவிக்க எத்தனையோ வழி இருக்கிறது. அவர்களுக்கு குறுக்கெழுத்து ஆர்வம் கொண்டு வரும் அதே வேளையில் ‘படிக்காம என்னடா கட்டம் கட்டி விளையாடுற?’ என்று பெற்றோர் கேட்டால் ‘இயற்பியல் போட்டி தான் அம்மா. இதெல்லாம் பாடத்தில் இருப்பது தான்’ என்று காரணம் சொல்ல ஒரு வாய்ப்பு. விடைகள் மற்றும் விமர்சனங்கள் பின்னூட்டத்தில் அல்லது மின்னஞ்சலில் (vijayshankar.twwi@gmail.com) வரட்டும். நான் இதுவரை அமைத்ததிலேயே மோசமான குறுக்கெழுத்து இதுவாகத் தான் இருக்கும். அதனால் என்ன? ஓரிரு மாணவர்கள் முயற்சித்தால் அதுவே ஒரு வெற்றி தானே.

இடமிருந்து வலம்:

xwrd121. ஒளி எடுத்துக் கொண்ட selfie? (6)

5. சிறு பொடி தான். ஆனால் கனமும் நிறையும் உண்டு. (3)

6. பக்தனின் வாயில் உலோக ஊசி குத்தி எடுத்த அளவு  (3)

8. நிறை (3)

9 & மேலிருந்து கீழ் 5. பிளமிங்க் மூன்று விரல்களால் விளக்கிய மின்னியற்றின் தலையெழுத்து (4,3,2)

11. தொலைதொடர்பில் துல்லியம் பெற அலைவடிவம் பெற்ற குண மாற்றம் (6)

மேலிருந்து கீழ்:

2. இந்த இயற்பியல் பயணத்தில் வெறும் வேகம் மட்டும் அல்ல, இலக்கை அடையும் பாதையும் முக்கியம் (5)

3. ஒடிந்த வில்லுக்கும் ஒளி சிதறுகையில் அலைநீள மாற்றத்துக்கும் காரணம் (3, 3)

4. (இடமிருந்து வலம் 9-ஐ பார்க்கவும்)

6 & 9. ஒன்றன் பின் ஒன்றாய் வரும் ஏற்ற இறக்கங்கள் – அதிர்வெண் எல்லைகளுக்குள் அகப்பட்டன (2,3)

7. மின்னூட்டத்தை சேமித்து வைத்திருக்கும் கருவி (3)

9. (மேலிருந்து கீழ் 6-ஐ பார்க்கவும்)

10. மின்தடையால் வந்த பிரணவ ஒலி (2)

இலக்யா குறுக்கெழுத்து 11


மகாமகம் ஆகப் போகிறது, போன குறுக்கெழுத்துப் புதிர் பதித்து. தெரிந்த கொஞ்சம் யுத்திகளும் மறந்து விட்டது. Symmetry மாறாமல், இரண்டெழுத்துச் சொற்கள் வராமல், எந்த சொல்லும் தனிமையில் தொங்காமல் எப்படியோ ஒரு புதிர் அமைத்துள்ளேன். ஓரிரு அருஞ்சொற்கள், பிறழ்மொழிகள் (anagrams), என்னைக் கொல்லத் தூண்டும் கடி ஜோக்குகள் (!) என்று உங்கள் நேரத்தைக் கடன் வாங்க என்னுடைய இன்னொரு முயற்சி. விடைகளையும் விமர்சனங்களையும் பின்னூட்டத்தில் அல்லது மின்னஞ்சலில் அனுப்பவும். vijayshankar.twwi@gmail.com இடமிருந்து வலம் 1. கேள்விச் செல்வம் வந்தடையும் பாதை? (2,2) 3. போர் பயிற்சி முடிக்க வாத்து பட்ட பாட்டை என்ன சொல்ல? (4) 6. தறிகெட்டு ஆடடி வேடம் கலைந்திட (3) 7. தட்பவெப்பம் தெரிந்து கொள்ள நிபுணரின் தன்னிலை வாக்கை அறி, தன்னை நீக்கி (3,4) 9. தமிழ் கடவுளின் திருவடியில் விடை தேடு (3,2)xwrd11 10. எப்போதும் பார்வையில் படும்படி அமர் (2,2,2) 14. நய வஞ்சகன் சூழ்ச்சி செய்ய வந்தான் – கரிய படம் புவியரசன் தலையும் சேர (4,3) 16. பெண்ணாம் பெரியதாம் (3) 17. ஊர்களை வட்டமிடு லாவகமாக (4) 18. கரையான்களுக்குப் பிடித்த இலக்கியம்? (2,2) மேலிருந்து கீழ் 1. மங்கள்யான் தோஷம்? (4) 2. அடர்ந்த, வானுயர்ந்த சோலை (3) 3. குரைக்கும் நாய் கடிக்க வராது என்றால் குறைக்கத நாய் …… (4,3) 4. பேச்சு வழக்கில் குடிக்கூலி கேள் (3,1) 5. மழை நீர் சொட்ட கொஞ்சமே கொஞ்சம் மது போதும் (4) 6. பனிரெண்டு ஆக இத்தனை முறை நதியில் அமர் (3) 8. தமிழர் தமிழை அதிகம் பயன்படுத்தாதது பாரதிதாசனின் உவமை நஞ்சாகி விடும் என்பதாலா? (7) 10. நேரம் கடத்த அரட்டை அடி (2,2) 11. ஆறுமுகம் திரும்பிய போதும் எண்ணிக்கை மாறவில்லை (4) 12. இடது புறம் (3) 13. அறுபத்து நான்கு, பெயரெச்சம் (4) 15. சிட்டுக் குருவியின் முட்டை போன்ற பூக்களைக் கொண்ட மரம் (3)

நியூட்ரினோ ஆய்வும் நமது தலையெழுத்தும்


தண்ணீர் வருகிறதோ இல்லையோ, தமிழ் நாட்டுக்குப் பல பெரிய திட்டங்கள் வந்த வண்ணம் உள்ளன. சேது சமுத்திரம், கூடங்குளம், டெல்டா பகுதி மீத்தேன் எடுப்பு, இப்போது இந்த நியூட்ரினோ ஆய்வகம் என்று வடக்கில் பல பெரிய மனிதர்கள் எடுக்கும் முடிவுகள் நமக்கு பெரும்பாலும் பாதகமாகவே உள்ளன.

சினிமா பிரபலங்கள் நிதி திரட்ட கிரிக்கெட் ஆடுவது, படமே பார்க்காதவர்கள் விமர்சனம் எழுதுவது, ‘பீல்டிங்கா பவுலிங்கா’ என்று கேட்பவர்கள் கிரிக்கெட் தேர்வுக் குழுவில் இருப்பது, கொலை வழக்கில் இருப்பவர்கள் சட்டம் இயற்றுவது, இது போல இன்னும் பல தொடர்பிலிகள் நமக்கு வாடிக்கையாகிவிட்டது. அதனால் செழிப்பான விவசாய நிலத்தில் குழிகள் பறித்து வாயுக்கள் எடுப்பது, காடுகளை அழித்து கட்டிடங்கள் அடுக்குவது என்பன எல்லாம் ஒரு பொருட்டே அல்ல.

முடிவுரைக்கு முந்திக் கொள்வதற்குள் இந்த நியூட்ரினோ ஆய்வகம் பற்றி சில விவரங்களைப் பார்ப்போம்.

  • மற்ற ஆய்வகங்களைப் போலன்றி இதன் பெரும் பகுதி நிலத்தின் அடியில் அமையும்.
  • ஏன் நிலத்தடியில்? நியூட்ரினோக்களை ஆராய நிலத்தின் மேற்புறம் சரிவராது. காரணம் வெளியில் இருக்கும் இயற்கையான மற்றும் சுற்றுப்புற பொருட்களில் இருந்து வரும் கதிர்வீச்சு. ஒரு முனிவரின் தவம் போல இந்த ஆய்வுக் கருவிகளுக்கு யாருமற்ற, எதுவுமற்ற ஒரு வெறுமை தேவைப் படுகிறது.
  • ஏன் தேனியில்? புவியைச் சூழ்ந்துள்ள காந்தக் கோடுகளின் மையம் (magnetic equator) இந்தியாவின் இந்தப் பகுதியையும் கடக்கிறது. இந்த அமைப்பு அணுத் துகள் ஆய்விற்கு உகந்தது.
  • வட இந்தியாவில் இருக்கும் பாறைகளைக் காட்டிலும் Indian Shield எனப்படும் தென்னிந்தியப் பாறைகள் புவியியல் ரீதியாக மிகப் பழையதும் திடமானதும் ஆகும் (குறிப்பாக மேற்குத் தொடர்ச்சி மலைகள்).
  • 26.5 ஹெக்டேர் நிலம் இத்திட்டத்துக்காக கையகப் படுத்தப் பட்டுள்ளது.
  • இந்தியாவின் பல்வேறு இடங்களிலுள்ள 26 ஆய்வு நிறுவனங்களின் 1௦௦ ஆய்வாளர்கள் இதில் ஈடுபடுகின்றனர்.
\includegraphics[height=12.0cm]{bwhland2_mod.eps}

மத்திய அரசால் அங்கீகரிக்கப் பட்டுள்ள நியூட்ரினோ ஆய்வகத்தின் வரைபட மாதிரி. (மூலம்: http://www.ino.tifr.res.in)

சரி. இந்த ஆராய்ச்சியால் என்ன கிடைக்கப் போகிறது? தெரியாது. ஓரிரு நியூட்ரினோக்களின் பயணத்தைப் பதிவு செய்வதே குதிரைக் கொம்பு. இதற்காக ஜப்பானின் கமியோகா மலையினடியில் நிறுவப்பட்டுள்ள Super Kamiokande ஆய்வகம், கனடாவின் Sudbury ஆய்வகம் (இப்போது ஆய்வுகள் நடைபெறுவதில்லை) மற்றும் அமெரிக்கா, ரஷ்யா போன்ற நாடுகளின் சில ஆய்வகங்களும் அண்டார்டிகாவில் ஒருசில ஆய்வகங்களும் உள்ளன. இவை எல்லாமே அந்த நாடுகள் இப்போது இருப்பதை விட செல்வாக்குடன் இருக்கும் போது நிறுவப் பட்டவை.

1500 கோடி பணத்தை நாம் நிச்சயம் வேறு வழிகளில் செலவழிக்கலாம்.

இங்கே குடிக்க நல்ல நீர் எல்லோருக்கும் கிடைப்பதில்லை.  குப்பைகள் சரியாகத் தரம் பிரிக்கப்பட்டு அகற்றப் படுவதில்லை. தடையற்ற மின்சாரம்? தரமான மருத்துவ வசதிகள் எல்லோருக்கும் கிடைக்கிறதா? அடிப்படை வசதிகள் கூட அனைவருக்கும் தர முடியவில்லை. மனிதவள வளர்சிக் குறியீட்டில் 135-வது இடத்தில இருந்து மீண்டு வர எதாவது உருப்படியான திட்டம் தீட்டலாம்.

தமிழ் நாட்டுக்கு நல்லது செய்ய வேண்டுமானால் சூரிய ஆற்றல் கொண்டு மின்சாரம் தயாரிக்கத் திட்டமிடலாம். காற்றாலைகளை இன்னும் ஆற்றல் மிக்கவையாக மாற்றலாம். மது விற்றுத் தான் மாநிலத்தை நிர்வகிக்க முடியும் என்ற நிலையை மாற்ற முயலலாம்.

அறிவியலுக்குத் தான் இந்த பணம் என்றால் வேறு பல ஆய்வுகளுக்கு இதைப் பயன்படுத்தலாம்.

  • சீனாவுக்கு அடுத்தபடியாக அதிக தொலை பேசிகள் பயன்படுத்தும் நாடு நமது. எத்தனை இந்திய நிறுவனங்கள் தகவல் தொடர்பு கருவிகளை உள்நாட்டிலேயே தயாரிக்கின்றன?
  • எத்தனையோ ஆய்வகங்கள் இருந்தும் Microproccessor செய்யும் தொழில் நுட்பத்தைக் கூட நாம் இன்னும் எட்டவில்லை. அதற்கு இந்தப் பணத்தை செலவழிக்கலாம்.
  • மின்கலங்கள் மற்றும் புதிய மின் உற்பத்தி இயந்திரங்கள் பற்றிய ஆய்வுகளுக்குக்ப் பயன்படுத்தலாம்.
  • கடல் நீரை குடிநீராக்கும் ஆய்வுகள் செய்யலாம்.
  • குடிநீர் சுத்திகரிப்பு, சுற்றுசூழல் பாதுகாப்பு என்று எத்தனையோ செய்யலாம்.

இதனால் உள்ளூர் மக்களுக்கு என்ன கிடைக்கப் போகிறது? காவலாளி வேலை கூட வேறு மாநிலத்தவருக்குத் தான். சிங்காரா, மசினகுடி பகுதிகளில் நிறுவப்பட இருந்த இத்திட்டம் அங்கு உள்ள (பெரும்பாலும் அண்டை மாநிலத்தவர்) சமூக, சுற்றுசூழல்  ஆர்வலர்களின் எதிர்ப்பால் இப்போது தேனிக்கு மாற்றப் பட்டுள்ளது. நிலத்தைத் தோண்டுதல், சுரங்கப் பாதை அமைத்தல், இதற்காக வெடி வைத்து பாறைகளைத் தகர்த்தல், என்று பெரும் கட்டுமானப் பணிகள் இந்த மலைப் பகுதியை என்னவெல்லாம் செய்யும் என்பதற்கு எந்த முன் மாதிரியும் கிடையாது.

அணு உலை விபத்து போல் மாபெரும் சேதம் விளையா விட்டாலும் நீர்மின் நிலையங்கள் அமைக்க நாம் செய்துள்ள பணிகளைப் பார்க்கும்போது நிச்சயம் இதனால் சுற்றுப்புறங்களின் தன்மை மாறிடும் என்று தெரிகிறது. பாரம்பரியமாகவே கட்டுமானக் கழிவுகளை அகற்றுவதில் நாம் வீணர்களே. சொந்த வீடு கட்டவே சாலையில் மணலையும் செங்கல்லையும் பரப்பி வைத்து சுவர்களுக்குப் பாய்ச்சிய நீரைத் தெருவில் விடுபவர்கள் நாம். மூன்றரை ஆண்டுகள் மலையைக் குடைந்து ஏற்படுத்தப் போகும் சுரங்கதிற்காக தினமும் குறைந்தது ஒரு வெடியாவது வைத்துப் பாறைகளைத் தகர்ப்பார்கள். அதை சுற்றுப்புற மக்கள் தினமும் தீபாவளியாகக் கொண்டாடலாம்.

ஒரு வேளை இந்த ஆய்வுகள் வெற்றி பெற்று யாருக்கேனும் நோபெல் பரிசு கூட கிடைக்கலாம். அதற்காக நாம் கொடுக்கும் விலை? இந்தப் பகுதிக்கென்று இருக்கும் தனித்தன்மையான செடிகொடிகள், உயிரினங்கள், நிலத் தன்மைகள் எல்லாம் மாறக் கூடும். நீர்நிலைகள் மாசுபடக் கூடும்.

நமக்கு மட்டும் ஏன் இதெல்லாம் நிகழ்கிறது என்கிறீர்களா? எல்லாம் தமிழ்நாட்டின் தலையெழுத்து  என்று இருக்க வேண்டியது தான். ஒருவேளை தலையெழுத்தை நம்மால் மாற்றவும் முடியலாம்.

பின் குறிப்பு: நியூட்ரினோ குறித்த தற்போதைய ஆய்வுகள் பற்றிய மேலதிகத் தகவல்களுக்கு முனைவர் ஜெயபாரதன் அவர்கள் எழுதியிருக்கும் அருமையான பதிவு இங்கே.

தமிழ் குறுக்கெழுத்து 10


தெண்டுல்கர் நூறாவது சதம் அடித்த பின்பும் பத்தாவது குறுக்கெழுத்து கூட வரவில்லை என்றால் அவருக்கு என்ன மரியாதை? எல்லா கட்டங்களையும் நிரப்பி நீங்களும் சதம் அடியுங்கள்.

பவுண்டரி, கிளீன் போல்ட், அப்பீல், எதுவாகினும்:

vijayshankar.twwi@gmail.com

மின்னஞ்சல் வெறுப்பவர்கள் மறுமொழி பகுதியில் விடை சொல்லுங்கள்.

இடமிருந்து வலம்:

1. மிளகாயால் நாக்கு எரிந்து அலறினாலும் இதுதான் உணவு (4)

3. வாழ்வா-சாவா போராட்டத்தின் இறுதியில் மனைவியின் பிழைப்பு (6)

5. அடித்துப் பிடித்து உதைத்து எறிந்து அல்லோலகல்லோலப் படுத்து (4)

6. நிலாக் காதலன், நிலாக் காதலி (6) 

8. மறுபடியும் மறுபடியும் தைரியமாய் வருகிறேன் – ஆணவத்தில் (3)

10. யதார்த்தம், பண்பு, தன்மை (4)

13. இந்த மாங்கல்யம் நிலைக்க ஐரோப்பா செல்ல வேண்டும் (4)

14. பாசாங்கு செய், பின்பு கரம் காட்டு (3)

17. நியாயம் சொல்பவர் (6)

18. பெயரால் வந்த பெருந்துன்பம் (4)

19.  தாத்தாவுக்கு நான் பெரும் பாசத்துடன் எழுதிக் கொண்டது (6)

20. ஆதி மனிதனின் வீடு? (2,2)

மேலிருந்து கீழ்:

1. யாரையும் மிரட்டிடத் தேவையான அடியாட்களின் எண்ணிக்கை (5)

2. வடமொழி நீக்கியதால் பொன்னியின் செல்வன் மந்திரவாதியும் சூரியனே (4)

3. தாழ்வார சந்தைக் கடந்தால் பல பொருள் வாங்கி வரலாம் (2,3)

4. கட்சித் தாவலில் குழப்பம் வர, தாவியவரில் ஒருவர் சொத்தை வரிவிலக்கு போகக் கணக்கிட்டால் புல்லும் பூண்டும் வருகிறது (6)

7. மாற்றம் (3)

9. அரைத்துத் தள்ளு (2)

11. திரைப்படத் தலைவன் (6)

12. தலைக்கு மேல் வேலையை உடனே நிறைவு செய் (2)

13. இதற்கு அப்பால் நீங்கள் மரியாதை இழக்கிறீர்கள்! (2,1)

14. பட்டணத்து ஆகாயம் நோக்கி இடம்பெயர்வான் (5)

15. மூன்றாம் நபர் போன பின்பு கைநீட்டி இலக்கண சுத்தமாய்ப் பேசு (5)

16. விண்ணின்று விழுவது (4)

படத்தொகுப்பு

தமிழ் குறுக்கெழுத்து 9 – விடைகள்

This gallery contains 2 photos.


எதிர்புறமாக எழுதும்படியான குறிப்புகள் இனி தவிர்க்கப்படும் என்று உறுதியளிக்கிறேன். The New York Times, The Hindu என்று ஜாம்பவான்கள் எல்லாம் இன்னும் தங்கள் தளத்திலேயே புதிர் விடுவிக்கும் வசதியைத் தராத போது நமக்கென்ன அவசரம்? குறுக்கெழுத்து 9-க்கான விடைகள்:

தமிழ் குறுக்கெழுத்து 9


பேசிக் கொண்டிருக்க நேரமில்லை. குறுக்கும் நெடுக்குமாக யோசித்து விடைகளை எழுதித் தள்ளுங்கள் – மின்னஞ்சலில்.

கைகுலுக்க, காலை வாரிவிட, கருத்து சொல்ல, கடிந்துரைக்க:

vijayshankar.twwi@gmail.com

மின்னஞ்சல் வெறுப்பவர்கள் மறுமொழி பகுதியில் விடை சொல்லுங்கள்.

இடமிருந்து வலம்:

1. ஆங்கில முதலெழுத்தின் எதிர்பாராத இடப்பெயர்ச்சி (5)

3. வேதமோதும் சிறுவனிடம் வேதம் இன்றி சண்டையிடு (2)

4. நாயாய் நகைச்சுவை செய் (2)

9. இதுவும் பழம்பொருள் காப்பகமே (3)

10. பாடியவர்க்கும் கேட்டவருக்கும் நாட்டுப்பற்று என்ற மா வரம் தந்தே வெள்ளையரை விரட்டச் செய்த கீதம் (3,4)

11. தாய் _______ வணக்கம் – திரும்பியிருக்கிறது  (3)

12. பாற்கடல் தந்த திரவத்தினும் தித்திக்கும் தமிழ்  (6,3)

16. பாடல் பேரழகி (3)

17. அரவு முடி வசதியாக கையில் சிக்கிட, தியாக  குணம் நீக்கி நிறைவேற்றிய தீர்மானம் (4,3)

18. முதல் உணவு சீரணம் ஆகாததால் குடலில் விளைந்த புண் (3)

19.  அதிகமாக (2)

20. பயத்தில் பெயர் மறந்த பேசும் பறவை (2)

21. இந்திரா காந்தி எழுதிய புதிரில் எழுத்துக்களுக்குப் போதைய இடமில்லை

மேலிருந்து கீழ்:

1. ஏன் கவலை என்றெண்ணாது படித்ததால் விரல் போனது தான் மிச்சம் (5)

2. மேல் தளம் (2)

3. நன்றியுடன் நுகர்தல் (4)

5. சிறைசென்று திரும்பிய மகளைத் தந்தை இப்படித் தான் கொஞ்சி வரவேற்றிருக்க வேண்டும்  (3,5)

6. முட்டாள் மண்டையில் ஆனந்த பூமி (4)

7. பாரதியார் ஆசிரியராய்ப் பணியாற்றிய ஓர் நாளிதழ் (8)

8. அங்கீகாரமற்ற அதிவேக செய்தி (4)

13. குப்புற விழுந்ததால் மேன்மை இழந்ததோ மாணிக்கவாசகரின் படைப்பு?(4)

14. சுபா சிரித்தால் வேலை கிடைப்பது நிச்சயம் (4)

15. ஒரு வகை மரத்தடியில் ஒரு கசையடி (5)

17. பிள்ளைத் தமிழ் சொல்லும் நிலாப் பருவம் (4)

19. அதிகமாக (2)

படத்தொகுப்பு

தமிழ் குறுக்கெழுத்து 8 – விடைகள்

This gallery contains 1 photo.


சத்தியமாக சுயநினைவுடன் தான் இதை எழுதினேன். அரை மயக்கம், கால் மயக்கம் எதுவும் இல்லை. Continue reading

ஒளிவேகமும் சில முந்திரிக் கொட்டை நியூட்ரினோக்களும்


பிரபஞ்சத்தில் ஒளிக்கென்று ஒரு வேக வரம்பு இருக்கிறது. அது வினாடிக்கு மூன்று லட்சம் கிலோமீட்டர் என்பதாகும். இதனினும் வேகமாகப் பயணிக்க எந்தப் பயலுக்கும் (அலையானாலும் சரி, துகளானாலும் சரி) அனுமதியில்லை. அவ்வாறு இந்த வரம்பை மீறினால் என்னவாகும்?

சின்ன வயசில் எல்லோருக்கும் புரிய வேண்டும் என்பதற்காக ஐன்ஸ்டீனின் நிறை-ஆற்றல சமன்பாட்டை

E=mc2

என்று எழுதிக் காட்டினார்கள்.

ஆனால் முழு சமன்பாடு இதுதான்:

இந்த சமன்பாட்டைப் பார்த்து பயந்து விடாதீர்கள். இதில் ‘m’ என்பது நிறை, ‘v’ என்பது நாம் எடுத்துக்கொள்ளும் பொருளின் வேகம். ‘c’ என்பது ஒளியின் வேகம். யாராவது ஒளியின் வேகத்தில் பயணிக்கிறார்கள் என்று வைத்துக் கொள்வோம். அவர்களின் கதி என்னவாகும்? மேற்படி சமன்பாட்டில் அவர்களின் வேகம் ‘c’க்கு நிகராகி விட்டதால் ‘v/c’ -இன் பதிப்பு 1 என்றாகிவிடும். அதனால் என்ன என்கிறீர்களா? நமது சமன்பாடு இப்போது

என்றாகிவிடும். சுழியத்தால் எந்த என்னை வகுத்தாலும் கிடைப்பது முடிவிலி (infinity) என்று நமக்கு அடித்துச் சொல்லிக் கொடுத்திருக்கிறார்கள் அல்லவா?

அப்படியானால் இந்த ஒளிவேக பயணியின் ஆற்றல் கணக்கிடமுடியாத படி முடிவிலியாக மாறிடும். இது இயற்கைக்குப் புறம்பானது. இதனால் தான் விரலுக்கேற்ற வீக்கமும் நிறைக்கேற்ற வேகமும் தேவை என்றார்கள்.

இவ்வாறு நாம் பேசிக்கொண்டிருக்கும் போதே சுவிசர்லாந்தில் புறப்பட்ட சில நியூட்ரினோக்கள்1 குறித்த நேரத்தை விட 60 நானோ வினாடிகள் சீக்கிரமாகவே இத்தாலியை2 வந்தடைந்தன. இப்படி அவை வர இரண்டு காரணங்கள் தான் இருக்க வேண்டும்.

  1. இந்த நியூட்ரினோக்கள் ஒளியின் வேகத்தை விட அதிக வேகத்தில் பயணித்திருக்க வேண்டும்.
  2. இந்த சோதனையில் ஏதோ குளறுபடி (இயந்திரதிலோ அல்லது கணக்கீட்டிலோ) இருந்திருக்க வேண்டும்.

இரண்டாம் காரணத்தை உறுதிசெய்ய, அல்லது நிராகரிக்க இரண்டாம் முறையாக சோதனை செய்து பார்த்திருக்கிறார்கள். அதிலும் இந்த நியூட்ரினோக்கள் முண்டியடித்துக் கொண்டு ஒளியினும் வேகமாக வந்தடைந்தன. சரி, இதனால் என்ன குடியா முழுகிவிடும்? இல்லை அரிசி விலைதான் குறையப் போகிறதா? இல்லை.

இயற்பியலாளர்கள் இதுவரை ஒளிவேகமே பிரபஞ்சத்தில் மிகுவேகம்; அதுவே பிரபஞ்ச சாலையில் வேக வரம்பு என்ற அடிப்படையில் கோட்பாடுகளையும் சமன்பாடுகளையும் உருவாக்கி வந்திருக்கின்றனர். இப்போது ஒளியை விட அதிக வேகத்தில் பயணிக்க இயலும் என்றால் இந்த சமன்பாடுகளும் கோட்பாடுகளும் அடிபட்டுப் போகும்.

அரசு ஊழியர்களுக்கு அரியர்ஸ் தருவது போல, தேர்வில் நான் பிழையாக எழுதிய சமன்பாடுகளுக்கு இப்போது முழு மதிப்பெண்கள் தருவார்களா? பேராசை தான்.

சில ‘தெரிந்தால் நலம்’ தகவல்கள்:

1. நியூட்ரினோ என்பது ஒருவகை அடிப்படை துகள். மிகக் குறைந்த நிறை கொண்டது. எதனுடனும் வினைபுரியாது; ஆதலால் எளிதில் இதனை உணரவோ (detect செய்யவோ) ஆராயவோ முடிவதில்லை.
2. OPERA என்ற ஆய்வில் CERN ஆய்வுக்கூடத்தில் ப்ரோட்டோன்களை தலைதெறிக்க ஓடி ஒன்றுடன் ஒன்று மோதச் செய்து, அவற்றை ஆயிரம் மீட்டர் நீள சுரங்கப்பாதை வழியாக ஓடவிடுகிறார்கள். வழியில் இவை நியூட்ரினோக்களாக மாறி, கடும் பாறைகளில் கூட சிக்காமல், 732 கிலோமீட்டர்களை அனாயசமாகக் கடந்து, இத்தாலியில் உள்ள கிரான் சாசோ (Gran Sasso) ஆய்வகத்தில் உள்ள டிடெக்டர்களை வந்தடைகின்றன.

இரண்டு நிமிட அறிவியல் – நீரின்றி அமையாது அலகு


பெரும்பாலான தமிழ் நாளிதழ்களில் ‘இன்றைய வெப்பநிலை’ என்ற பகுதியில் 98 டிகிரி, 102 டிகிரி என்று போடுகின்றனர். பள்ளி நாட்களில் இப்படி எழுதுகையில் ’98 கழுதையா குதிரையா?’ என்று நம் அறிவியல் ஆசிரியர் மண்டையில் கொட்டியிருப்பார்.

இங்கே அவர்கள் குறிப்பிட விரும்புவது 98 டிகிரி ஃபாரன்ஹெய்ட் என்பதையே. அதே நாளில் மற்றொரு நாளிதழ்  37 டிகிரி என்று குறிப்பிடுகிறது. எது சரி? இரண்டுமே தான். அலகுகள் தான் வேறுபடுகின்றன. இரண்டாம் நாளிதழ் 37 டிகிரி செல்சியஸ் என்ற அளவைக் குறிக்கிறது.

வெப்பநிலை என்ற ஒரே பண்பை அளக்க ஏன் வெவ்வேறு அலகுகள்? அளவிடும் முறைகள், அவை கண்டுபிடிக்கப் பட்ட காலகட்டங்கள், அரசியல் நிர்பந்தங்கள் (இங்கேயும்) என்று பல காரணங்கள்.

18-ஆம் நூற்றாண்டில் டேனியல் கேப்ரியல் ஃபாரன்ஹெய்ட் என்பவர் பனிக்கட்டியின் உருகுநிலையையும் (32°F) மனித உடலின் சராசரி வெப்பநிலையும் (98°F ) அடிப்படையாகக் கொண்டு வடிவமைத்த வெப்ப அளவீட்டு முறை ஃபாரன்ஹெய்ட் என்ற அலகுக்கு வழிவகுத்தது.

இந்த 32-இல் தொடங்கி 180-இல் முடிக்கும் வேலை எல்லாம் வேண்டாம். சுழியத்தில் தொடங்கி நூறில் முடியும் படியாக – நூறு படிகளாக (சென்டிகிரேடு) எளிய அளவீட்டு முறை இதோ என்று ஆண்டர்ஸ் செல்சியஸ் 1742-இல் புதியதோர் அலகை உலகுக்கு ஈந்தார். நாளடைவில் இது செல்சியஸ் என்ற பெயரிலேயே வழங்கப் படுவதாயிற்று.

இவ்வாறாக, பல்வேறு கணியங்களைப் போலவே வெப்பநிலை அளவீட்டிலும் நீரின் தன்மையே அளவுகோளாகப் பயன்படுகிறது. இது தவிர கெல்வின், ரான்கின் என்று வேறு சில அலகுகளும் உள்ளன. (உடல் சூட்டைத் தணிக்கிறேன் பேர்வழி என்று டாஸ்மாக் தண்ணி அடிப்பவர்கள் வேறு பல அலகுகளைப் பயன்படுத்துகிறார்கள்.)

சுருங்கச் சொன்னால்…

 நீர் உரையும வெப்பநிலை ௦ டிகிரி செல்சியஸ் (32 டிகிரி ஃபாரன்ஹெய்ட்).

நீர் கொதிக்கும் வெப்பநிலை 100 டிகிரி செல்சியஸ் (212 டிகிரி ஃபாரன்ஹெய்ட்).

தசமங்களையும் நெகடிவ் எண்களையும் அதிகம் விரும்பாத அமெரிக்கர்களும் இன்ன பிற நாட்டவரும் இன்னும் ஃபாரன்ஹெய்ட் முறையையே பின்பற்றுகின்றனர். நம்மூர் செய்தித் தாள்கள் எதற்கு வம்பு என்று நடுநிலையாக எந்த அலகையும் பயன்படுத்துவதில்லை.

இதை எழுதக் காரணம் பட்டப் படிப்பு முடித்த ஒரு நண்பனுடனான இந்த உரையாடல் தான்:

நான்: போன வருஷம் மே மாசம் வெயில் 40 டிகிரிக்கு

என் முழு ஓவியத் திறனையும் கொண்டு வரைந்தது

மேல போயிடிச்சு…

நண்பன்: எந்த உலகத்துல இருக்க? 104 டிகிரி அடிச்சது பா!

எந்த உலகத்தில் இருக்கிறோம்?

மேலதிக தகவல்களுக்கு:

http://en.wikipedia.org/wiki/Celsius

http://www.britannica.com/EBchecked/topic/200231/Fahrenheit-temperature-scale

தமிழ் குறுக்கெழுத்து 8


இந்த முறை symmetrical grid (பார்த்தால் அப்படி தெரியவில்லையோ?) அமைத்துள்ளேன். இதன் விளைவாக இரண்டெழுத்துச் சொற்களைத் தவிர்க்க முடியவில்லை. (மோசமான குறுக்கெழுத்தின் அடையாளம்?) வழக்கம் போல் உங்களின் விடைகளையும் விமர்சனங்களையும் வரவேற்கிறேன்.

இடமிருந்து வலம்:

1.எல்லா அறிவையும் சேர்த்து பௌர்ணமியாய் பளிச்சென்று தொடங்குங்கள் (4)

4.நேச மாளிகை இருபுறமும் இடிகையில் நடுவில் நின்று தப்பிக்க முயற்சி செய் (3)

6. சிகிச்சைக்கு முன் மருத்துவர்களும் சிரிப்பில் மங்கையரும் தருவது (4,4)

7. நேர் நேர் (2)

9. ஐயெட்டு பாடல்களி

லும் சென்னை தமிழ் என்ன! (3, 4)

11, 13. நிறைந்த அறிவுக்கு சன்மானம்? (2,2)

14. குழப்பத்தில் களவாடிய குடம் திருமடி சேர்ந்ததால் கிரீடம் அணிய வாய்ப்பு கிடைத்தது (4,3)

16. எழுதியவரும் எழுதியதும் (2)

18. உயர்ந்தோர் போற்றும் கற்புக்கரசி (4,4)

20. கேட்காது (3)

21. ராஜராஜனின் தமக்கையை இங்கே அமர்த்து (4)

மேலிருந்து கீழ்:

1. தன் பேரில் இருந்த கடைசி சொத்து அழிந்ததும் இசுலாமியனாய் மாறிய முதுமகன் (4)

2.ரத்தம் சொட்டாமல் இருக்க தலைகீழாய்ப் பிடித்துத் திருப்பு (3)

3. வாகன அன்பளிப்பு –  பணம் இல்லாததால் பொது போக்குவரத்தில் பயணிக்க அச்சம் (4,3)

5. அடுக்கி வைத்ததைக் கவிழ்த்துப் பார்த்தால் தேறுமா? (3)

8. சுவாமியும் நண்பர்களும் வாழ்ந்த கற்பனை நகரம் (4)

10. இதயம் போலவே இரண்டிலும் இத்தனை பகுதிகள் (3, 4)

12. வியங்கோளில் உட்காரவும் (4)

15. இதற்கு மேல் சபை, கூடினால் எல்லாம் தித்திப்பே (4)

17. எந்தப் பக்கத்திலிருந்து வேண்டுமானாலும் திறந்து புதிரை அவிழ்க்கவும் (3)

19. சித்திரத்தைக் கையாலும் செந்தமிழை நாவாலும் கற்றுக்கொள் (3)

படத்தொகுப்பு

தமிழ் குறுக்கெழுத்து 7 – விடைகள்

This gallery contains 1 photo.


‘தட்டானுக்குச் சட்டை போட்டால் குட்டைப் பையன் கட்டையால் அடிப்பான் – அவன் யார்’ என்கிற ரீதியில் கேள்விகள் இல்லையென நம்புகிறேன். Continue reading

தமிழ் குறுக்கெழுத்து 7


இந்த தளத்தில் வரும் குறுக்கெழுத்துப் புதிர்களுக்கு இன்றுடன் ஏழு கழுதை வயசாகிறது. தொடர்ந்து விக்கிரமாதித்தனாய் இந்த வேதாளத்தின் புதிர்களை விடுவியுங்கள். குறுக்கெழுத்து வல்லுனர்கள் பிழைகளைப் பொறுத்தருளாமல் சுட்டிக் காட்டவும்.

இடமிருந்து வலம்:

1.வல்லினங்களில் நாலைந்தை நீக்கிப் படித்தல் நலம் (4)
2.நகரின் நடுவில் ஒரு நேரச் சிறை (6)
5.சுமக்க முடியாதபடி பெருத்த சாரல் (4)
6.பட்டுப் புடவை கட்டியதால் இறுமாப்பு? (4)

8.போர்க்களத்தில் ராமனின் பெருந்தன்மை (3,2,2,1)
11.முடி நிறம் மாற்றிய ஆசான்? (3,5)
13.திசை தெரியாமல் முகவரி சொல்லத் தடுமாறு (3)
15.புதிய சாயம் வாங்க நேர்ந்தது – பழையன களைய (3)
16.அமோக முள்ளங்கி விளைச்சலில் புகழ்பெற்ற ஒரு புதினம் கிடைத்தது (2,2)
மேலிருந்து கீழ்:
1.பழமொழியின் முன்பாதி கனிந்து கிடக்கிறது (4)
2.சற்றே தவற விட்டிருந்தாலும் விடை கிடைத்திருக்காது; முடியைப் பிய்த்துக் கொண்டிருக்க வேண்டியதுதான் (4)
3.கடற்கரையில் வழுவழுப்பாய் ஒரு பாறைத் துண்டு (5)
4.வேம்பு மணம் நீண்டு வீசியதால் புறப்பொருள் நூலான ஒரு அகப்பொருள் இலக்கியம் (6)
7.என்னுடன் பேசுபவர் என் தனித் தன்மையை மீறி முதலிடம் பிடித்து விடுகிறார் (4)
9.நதிக்கரைகளில் பிறந்ததாம் (5)
10.தமிழ்நாட்டு விமானம் (4)
11.தனக்கு வந்தால் தான் தெரியும் (4)
12.அடுத்ததைப் பார்த்த ஒன்பதின் அலறல் (4)
14.பொய்யா மொழி வெண்பா (3)

படத்தொகுப்பு

தமிழ் குறுக்கெழுத்து 6 – விடைகள்

This gallery contains 1 photo.


கடந்த சில புதிர்களில் எளிமையாகுகிறேன் பேர்வழி என்று cryptic clues அதிகம் இடம் பெறவில்லை. ஆனாலும் எளிமைக்குத் தான் இப்போது வரவேற்பு அதிகம். சென்ற வாரக் குறுக்கெழுத்துப் புதிருக்கான விடைகள் இங்கே: சில விடைகளுக்கான விளக்கங்களைக் காண்போம். 1 – இ. வ. – வித்தகர் திரிகூடத்தில் வெளிவந்த வசந்தவல்லி                        தத்துறு விளையாட்டாலோ தடமுளைப் … Continue reading

தமிழ் குறுக்கெழுத்து 6


இந்த வார தமிழ் குறுக்கெழுத்து. உங்கள் விடைகளையும் கருத்துக்களையும் அனுப்பி வையுங்கள். சில நேரடி கேள்விகளும் எளிய சொற்களும் இடம்பெறுகின்றன. ஒருசில சிலேடைகள் மற்றும் அறிவியல் தமிழ்ச் சொற்களும் இலவசம்.

தமிழில் கலக்குங்கள்…

 இடமிருந்து வலம்

1. பழந்தமிழ் டென்னிஸ் வீராங்கனை? (7)

4. அண்டத்தில் நாம் வசிக்கும் காலக்ஸி.  (4)

5. உயிர் காக்கும் உபகாரம் (3, 3)

6. குழந்தையும் தெய்வமும் தோன்றும் இடம்.  (4)

9. சுழலும் விளையாட்டுக் கருவி. (5)

11. கார்பன் – தமிழில் (2)

12. நீளம், அகலம், உயரம் ஆகியவற்றின் ஒருங்கிணைப்பு. (7)

14. பிளாஸ்டிக் – தமிழில் (3)

15. எப்படியோ இந்த கேள்விக்கான விடை வெளியே தெரிந்து விட்டது! (5)

16. பாதசாரிகள் மற்றும் வாகன ஓட்டிகளின் தலையெழுத்து? (2, 2)

மேலிருந்து கீழ்

1 புதுக்கவிதையின் பழைய பெயர் (6)

2. முடி திருத்தகத்தில் வரிசையாக ஒரே சந்ததியினர் (4)

3. திருமணம் ஆகாதவள் – பணக்காரி (3)

4. பயம் கொள்ளலாகாதவர் செய்வது (4)

7. இல்லாமை (4)

8. கடகடவென்று இதை நிரப்புங்கள் (8)

10. உப்பு விளையும் இடம். (5)

13. மங்கையர் செய்தது? (4)

11.கவி பாடும் கட்டுத் தறி வைத்திருந்த கவிஞன். (4)