இலக்யா குறுக்கெழுத்து 20


 

இலக்யா குறுக்கெழுத்து 19-க்கான விடைகளைக் காண இங்கே சொடுக்கவும்.

இனி இன்றைய குறுக்கெழுத்துப் புதிர்:

இடமிருந்து வலம்

1. வணிகப் பொருளுடன் ஒன்றைச் சேர்த்ததும் தங்க மழை பொழியும் பூ கிடைக்கிறது! (6)

4. கன்னிக்கு முதன்முதலாய் விரித்த வலை வருத்தத்தையே தந்தது (3)

5. உண்ணும் வேட்கை இருந்தும் உணவு இல்லாததால் தன்னிலை மறந்தது (2, 5)

6. பொறுப்பு மிக்க நிலை வேண்டி கொஞ்சம் பரிதவி (3)

8. திருப்பூருக்கு மிக அருகில் சென்றதும் பயணத்தின் திசையை மாற்ற வேண்டும் (4)

9. அக்னியைக் கண்டம் விட்டு இதைச் செய் (4, 2)

10. நீர் பகிர்வில் நீதியின் நீட்சி குறைந்த போதிலும் நம்மிடம் தான் வருகிறது ஆறு (2)

12. நினைவில் இருந்து அகற்று (2)

13. வான்வெளி எங்கும் குழப்பத்தில் விரவிக் கிடக்கிறது கோம்பள பிரதேசம் (4)

15. மரக்கிளைகளில் ஒருவகை பூச்சிகளால் சேர்த்து வைக்கப் பட்டுள்ள இனிப்புத் தொகுப்பு (2, 3)

16. தூமகேதுவின் குறும்புப் பகுதி? (2)

xwrd20

மேலிருந்து கீழ்

1. மாற்று சாதித் திருமணமானாலும் மணமக்களின் பெற்றோர் ஒன்றாக அமர்ந்து உண்ணலாம் (5)

2. தென்கிழக்கு ஆசியப் பகுதியில் முதல் வல்லொற்றை அகற்றிக் கொக்கரி தீய பற்பம் அடைந்த பிளவைச் சரிசெய்ய (3, 6)

3. சாலைக்குக் கொம்புகள் முளைத்ததால் கானகம் உருவானது (2)

4. சம்பளத்தில் முதல் தவணையைக் கட்டினால் நல்ல போர்வை கிடைக்கலாம் (5)

7. விரிவுரையில் சந்தேகம் தீர்க்க அதிவேகத் தொடர்வண்டியில் ஏற வேண்டியது தான் (3, 3)

10. வடமொழியை நீக்கி விட்டால் நமஸ்தே கூட எனக்கும் உங்களுக்கும் சொந்தமாகி விடும் (3)

11. வேலையை உரிய நேரத்தில் செய்யக் கூடிய ஆற்றல் [இயற்பியல்] (3)

14. சின்ன கோபாலனின் உயரம் கோபுரம் அளவில் பாதி (2)

 

விடைகளைப் பின்னூட்டத்திலோ அல்லது vijayshankar.twwi@gmail.com என்ற மின் அஞ்சலுக்கோ அனுப்பவும்.

Advertisements

இலக்யா குறுக்கெழுத்து 19


இடமிருந்து வலம்

1. வீதி முகவரி தெளிவாய்ப் புரிய ஒளிகொண்டு எடுத்துச் சொல் (2,4)

5. ஒரே வகையான அணுக்களைக் கொண்ட தனிப்பொருள் (4)

6. பயணத்தில் நேர்ந்த குழப்பத்தால் கேட்ட பொருளைக் கொடுத்தால் தான் வீடு வந்து சேர முடியும் (4)

7. பெறும் செல்வத்தை எல்லாம் பெரும் செல்வமாய்ப் போட்டு வை (2)

9. உன் தவிப்பு நீங்கித் தெளிவு பெற முதலில் தேவை கொஞ்சம் ஒத்தாசை (3)

10. வெடியைப் போட்டதால் நல்ல லாபம் (3)

11. விரைவாய் விரைவாய்! அவசரம்! (5)

14. வண்டிப் புகையைத் திரும்பிப் பார்த்த சாமா சந்தேகத்தில் கேட்ட கேள்வி (2)

16. ஆட்டுக்கல்லில் அமர்ந்த குழந்தை? (3)

17. ‘ஈயடிச்சான் காப்பி’ அடி (3,2)

xwrd19

மேலிருந்து கீழ்
1. நாட்டுப்புறப் பாட்டு வகை (5)
2. சுதந்திரம் வேண்டும் என்றால் விட்டுக் கொடு சிரத்தை (4)
3. இல்லற இன்பங்களை வள்ளுவர் கண்ணோட்டத்தில் பாவேந்தர் விளக்கிய காவியம்(4,4)
4. கரகாட்டக்காரன் நாயகி ஆடக் குறைந்த ஆடம்பரம் இளஞ்சிவப்பு மலரானது (7)
8. அவசரப் படாமல் நிதானமாக யோசித்தால் விடை கிடைக்கலாம் (5)
9. ஆடை- தகர்த்திடு (2)
12. பேரிளம்பெண்? (3)
13. வடமொழி சூரியன் (2)
15. உரை ________ பத்தினியை … (சிலப்பதிகாரம்) (2)

விடைகளைப் பின்னூட்டத்திலோ அல்லது vijayshankar.twwi@gmail.com என்ற மின் அஞ்சலுக்கோ அனுப்பவும்.

இலக்யா குறுக்கெழுத்து 18


இடமிருந்து வலம்

1. தலைவி திரும்ப வரப்போவதில்லை என்பதால் கட்சிக்கு இப்போதைக்கு இது தான் கதி (4)
3. இதை மக்களாட்சியின் திருவிழா என்கிறார்கள் (4)
4 & மேலிருந்து கீழ் 3. இருப்பிடம் கண்டுபிடி (2, 2)
5. விடுமுறை சூரியன்? (3)
7. அபிநந்தன் (3)
8. இனிய வாழ்வுக்கு அறுசுவையுடன் இந்த அணிகலனும் தேவை (5)
10. கொடுக்கும் தன்மை (2)
11 & மேலிருந்து கீழ் 10. எதிரிக்கு இணையாய் இருந்து சமாளி (2, 2)
12. ஒருவரிடம் இருந்து இன்னொருவருக்குப் பரவிடும் வியாதி (3, 2)
13. நெகிழிப் பை இல்லாததால் மீண்டும் நமக்கு உதவுவது (3)
14. வாக்குகளை உறுதி செய்ய வேட்பாளர்கள் தரும் வாக்கு (5)

xwrd

மேலிருந்து கீழ்

1. குற்றப் புலனாய்வு செய்யத் தேவையான அறிவியல் (6)
2. ஆராய்ச்சியாளர் (4)
3. இடமிருந்து வலம் 4-ஐ பார்க்கவும்
4. மார்ச் மாதம் ஆங்கிலத்தில் இப்படி வேகமாகக் கடந்து விடுகிறது (4)
6. தின்பண்டம் வாங்கப் பதிப்பகத்தின் இயந்திரத்தைத் திருகு (3, 4)
9. மதுரை ஆற்றில் கரம் பதி (2)
11. இடமிருந்து வலம் 10-ஐ பார்க்கவும்

விடைகளைப் பின்னூட்டத்திலோ அல்லது vijayshankar.twwi@gmail.com என்ற மின் அஞ்சலுக்கோ அனுப்பவும்.

தமிழ் குறுக்கெழுத்து


ஒரு சிறு முயற்சி.

‘ஒரு விலங்கு’, ‘ஒரு  நதி’ என்பது போன்ற கடினமான கேள்விகள் இல்லாமல் ஒரு குறுக்கெழுத்து புதிர் சாத்தியமில்லையா?

எளிதான இந்த குறுக்கெழுத்துக்கு விடை காண முயற்சி செய்து பாருங்கள். “என்கீ டமில் அவ்ளோவா பட்க தெர்யாது” என்பவர்கள் இங்கே சென்று பாருங்கள்.


இடமிருந்து வலம்:

1.  எந்தப் பக்கம் இருந்து பார்த்தாலும் தெரிவது தெனாலிராமன் தான்!
3.  செலவெல்லாம் போக எஞ்சியது இது தான்.
6. இலங்கை நகரத்து இசைக்கருவி.
9. தேவதத்தன் தொடுத்தது, சித்தார்த்தன் எடுத்தது.
10. நம் மொழியின் இலக்கணம் கூறும் பழம்பெரும் நூல்.
11. காலின்றி நடப்பன; இரையாகிப் பறப்பன.
12. தென்னையை முதலில் செதுக்கிய நகரம்.
15. எஃகை வார்த்து சிலிகான் சேர்த்து… ஏழாம் அறிவை எழுப்ப முயல்பவன்.

16 .முழங்காலின் எதிர்கட்சி தலைவர்?
17. திருக்குறளின் கம்பீரம்!

மேலிருந்து கீழ்:

1. இவரும் ஓட்டுனர் தான்!

2. காதலித்தால் வரும் என்கிறார்கள்.
4. அமுது, நிலவு, உயிர்…
5. தீ மூட்டிய ஆபரணம்?
6. கணியன் பூங்குன்றனார் சொன்னது
7. பேருந்தில் சென்ற மாமல்லன்

8. தனம் தரும், கல்வி தரும்… நாயகியின் துதிப் பாடல்
9. பாவகை – ஔவை விநாயகருக்குப் பாடியது

12. பழந்தமிழின் புதிய பெயர்!
13. எரிக்கும் உறவு?
14. இதைத் தாண்டி ஒன்றும் இல்லை!

(விடைகள் நாளை)